雙連車位與無人診所

利世民, 蘋果日報 ( 財經要聞, B13 2010. 04. 30)

世民遇到了兩件奇事：一架車，佔兩個位；一個商場，許多醫務所，但通通沒有人應診。

話說，昨日快到中午的時候，世民見沒有約人午餐，便打電話給孫柏文：「可有約人？有無興趣去黃大仙領匯商場食漢堡包？」記得以前在Ann Arbor，我們大件頭的都愛拿着Double Whopper到機舖看人家賽Daytona。

商場內診所中午全關門

黃大仙中心沒有機舖，但有很多診所。中午時段，商場有很多人，偏偏，所謂醫療中心的一塊，所有診所通通關了門。這現象大家不覺得奇怪嗎？

「你呢個利世民，人哋醫生食個晏，姑娘休息吓，唔得咩？」肥孫tongue-in-cheek的好心腸。

世民又發覺，眾多診所中，以名醫蔡堅的診所，應診時間最短。「利世民，睇吓人哋蔡名醫，八點半就睇症，你都未起身。人哋收工嘞，佢又開工。」肥孫的觀察力真強。

「不過，公公婆婆下晝想睇症，咪唔可以幫襯蔡名醫？蔡名醫又話領匯啲租貴？點解集團式診所，反而應診長咁多？」我真心的問。

說時遲，那時快，電話響起。原來是地產Joe打來：「利生，荃灣有個豪宅盤，大業主六折放貨尾車位。實收租金千五左右，每個都係廿萬，有無興趣睇吓。」

車位租一對架車唔怕花

反正閒來無事，便和肥孫一起看看。到現場，發覺不少名車。還有許多業主，寬大的雙連車位，只放一架中型車。

「嘻嘻嘻，呢位車主，手車仲衰過你。」外號「西九拓海」的肥孫，最愛笑我的駕駛技巧。「睇真啲啦！呢度大把咁樣泊車嘅人。」我反駁。

這個豪宅，車位的尺碼不算細，如此浪費，絕非駕駛技巧問題。

地產Joe說：「呢度啲車位，好多都係一對對咁o架。富貴業主有幾架車，輪流泊。成對咁租，都係三千零蚊之嘛。你放架法拉利，畀多千零蚊，唔怕花嘛。」

哦，平租，明白了。

利世民
http://hkliberty.wordpress.com