山卡罅爆金融危機

孫柏文 (AM730,06.09.2010)

BEACON 「熱烈慶祝！花旗國失業率升至9.6%！」仲唔係全球各大報章嘅頭條？大家可能會問：「點解失業率上升，都話係熱烈慶祝呢？孫柏文係咪幸災樂禍？」我，當然唔係啦。

熱烈慶祝嗰個唔係我，係花旗國股市。上個禮拜五晚，美國勞工部宣布8月新增職位數字，結果係私人機構請多咗6萬個工人，比預期好。不過，因為進入勞動人口嘅人數，比新增職位嘅增長快，政府又因為做完十年一度嘅人口普查，同埋地區政府因冇錢繼續裁員，所以失業率上升。

不過最終股市都大升，市場由怕雙底衰退等美國聯儲局救，變成咗又望公司盈利升去帶動股價。雖然美國經濟增長，第二季得嗰1.6%，但分析員們都仲係將啲股票目標價，定喺個假設盈利會升兩成嘅水平。哎，你估啲上市公司管理層係魔術師咩，盈利可以跑贏經濟增長咁多。

點都好，市升，唔好鬥氣。好似我呢啲買咗熊證嘅人，唯有慢慢等。等乜？喺呢個銀行仲嚴重資不抵債嘅世界，一定又爆金融危機。而呢期就真係又有金融危機，仲要喺一個你諗都未諗過嘅地方。喺邊？咪就係喺阿富汗。當地最大間銀行，之前批咗好多貸款俾總統啲朋友，最後因變咗做呆壞帳，呢幾日俾人傳資不抵債，所以係咁被擠提。

見花旗國傳媒大幅報道，原因唔係會有大危機，因為間銀行嘅資產得嗰幾億美元，而係因為美國國民問：「唔係連呢間銀行都要我哋救？」 其實有呢種銀行，對做幾年就落台嘅統治者都勁有用。因為要收買啲有政治勢力嘅人，唔使直接出錢，只要叫啲銀行放債俾佢哋就得。跟住到最後自己已經下台後， 就留番個計時炸彈俾下一任嗰個搞。

下一任嗰個，又可以大條道理話唔關自己事，繼續玩呢個遊戲。哈！我知！呢啲咪就係英國人最鍾意玩嘅招數。咁大家都知我哋特首係英國人訓練出來，唔通佢做財政司時，搞嗰間按揭證券公司都係有異曲同工之效？

大家做嗰啲九成按揭買樓，一旦負資產爆斷供潮，你估邊個孭？以前97年嗰轉，啲人會死頂點都繼續供，不過依家要做九成按揭嘅，係啲年輕80後，你估以佢哋嘅脾性，佢哋會頂咩？

最後，我想講講噚日喺薄扶林舉行嘅區議會補選。我落筆嘅呢刻係唔知邊個贏，不過我亦唔係想分析、預測戰果。我想講嘅係，話說上個禮拜六拉票時，有人話某個候選人「襲擊」對手嘅助選團成員。

不過今時今日，你一咁講，啲人嘅反應係「no video，no talk」，所以我今日想呼籲所有未來會參選嘅人，選舉期間，唔該你哋學外國啲選舉工程咁，24小時咁開著個攝影機，影住對手。我哋做傳媒嘅，會感激萬分。

乜招物式不敵托市雙煞

孫柏文 (am730 8.18.2010)

BEACON上個禮拜，政府又推乜招物物式去打壓樓市。我就即刻睇吓講乜，結論係同4月底時乜招物物式一樣，對樓市冇料到。大家都知《am730》嘅專欄 中，唔少同地產業有直接關係嘅鉅子，所以孫柏文原本唔打算講。不過因呢幾日喺我屋企樓下燒味舖食晏時，聽到太多人話呢啲措施有幾「毒」、「勁」、「狠」 等，我都想分享吓睇法。

首先，經過八萬五洗劫後，大家好少聽到政府直接話推措施打樓市。最多係用「維持銀行體制穩健」等理由，去搞啲乜招物物式，去安撫嗰啲食咗失憶藥嘅輿論分子。我見到政府話，要維持銀行體制穩健所以先推新招，睇埋有乜招時，就好嬲。點解？

其中兩個措施，第一就係唔俾人買一手樓時，喺完成交易前以confirmor即係找尾數前將單位賣出嘅摸貨轉名。第二，如果取消交易要沒收訂金，由樓價 5%，增加到10%。好，假設我開開心心買一手樓，落訂冇問題，靜心等待半年後交樓。點知我突然被炒，搵另一份工，不但人工要減(因新老闆未知我幾做得嘢 住)，仲要原先喺將軍澳工業邨返工，一變變成喺東涌。層樓真係唔啱住，你想摸出，唔俾。

跟住就諗上會做按揭找尾數，點知因為人工少咗，上唔到會，想摸貨俾人又唔得，又唔可以同發展商講唔成交，可唔可以殺少啲訂。呢個情況，每個喺私人公司返工嘅上班族都可能發生，亦明要儲首期要幾耐。

咁點解政府照推？因佢哋係公務員，淨係印少個標準薪級表俾佢哋睇，已經話自己前路茫茫、香港末日。點會諗你嘅情況？你估曾蔭權真係會坐喺度諗吓你會點？佢有呢個習慣，就唔使喺佢做財爺時，香港啲燒烤炭包裝上，開始出現「珍惜生命」呢四隻大字。

講真，你就算推多一百幾廿招都好，有兩項政策不變，樓市仲係會長升長有。第一托市煞星，就係勾地表一日唔公開底價，一日勾唔到地，你都係冇增加供應。你唔 好攞幾幅黃豆咁大粒嘅地出來，就話做咗嘢。成日話底價未達標，咁你咪加個回收機制囉。底價唔等於成交價呀高官們，可唔可以唔好咁低能。市民覺得你特首咁醒 目，點解又會咁低能？你試吓連續勾出十塊八塊地，隔個禮拜就拍賣，你睇吓啲人仲敢唔敢炒？

第二托市煞星，就係我哋個聯繫匯率。美國聯儲局要印銀紙，資金湧來港，銀行息差收窄，借錢買樓超平，你敢脫鈎咩？又要壓資產價格，又要行聯匯，炒家一見， 就會買港元博升值，令更多錢湧來香港。特首，你令到頭先我講嘅個案出事，輸盡儲咗多年嘅首期，但最後原來又係冇point，除咗俾你威咗幾日外，就係極擾 民。每次有人買樓因你啲措施出事，就會又多一個仇恨你嘅人，何必呢？

作者為前石油業證券分析員，視股市為終身學習場所，不斷交學費。

http://www.am730.com.hk/old_issue/issue/2010/201008/20100818/default1.html?startpage=29

被騎劫的「M型社會」論

孫柏文 (AM730, 8.16.2010)

BEACON

上周五晚，孫柏文到機場隔離亞洲國際博覽館聽演講。這位演講嘉賓係八足咁多爪，話係馬來西亞前總理Mahathir在任時十幾年顧問，又係薄熙來大連做市長同市委書記時發展戰友，當然亦03年曾經發表過「M型社會」論日本人大前研一。

未去前，聽人講佢咁巴閉，佢履歷又咁厚，搞到我對佢預期咁高。真係不能否認我去原因，其中有少少係睇佢點樣遜預期。聽完佢演講結論係，勁超預期！作為一個有時扮演預言家佢，對人口分布及走勢，同人口分布對社會影響分析，都令我大開眼界。如果問我從大前研一講話中，我聽到佢覺得，我國最大長遠隱憂，就必定係一孩政策後遺症。

長遠而言，中國必步日本後塵，人口老化令勞動人口大減，但呢個不能改變人口走勢下，內地經濟結果未必同今日日本一樣，因為佢亦同時舉出好多日本不應有政策。如佢話日本有好多老人優惠，係一刀切型式，只要你夠年齡就可享用，如搭車免費等。咁作為仲估自己係站在道德高地你，一定會話：「好呀！敬老。我都有生果金，都係一達65歲有得，日本有幾先進呀！」不過佢話，日本老人家平均資產達35萬美元(約273萬港元)，亦無負債，當你要冇資產，又收入低後生仔女交稅俾優惠有豐厚資產老人家時，國家經濟、國力同上班族生活水平大受影響，故要立刻停止所有一刀切型式老人優惠。

如果係一個香港人講以上說話，仲唔俾你班無所事事、七一著紅衫上街講粗口人掟蕉？哈！好似真係有個香港人立法會議事廳講過，而佢真係俾著紅衫人掟蕉！哎呀，最衰紅衫後生仔冇錢買車飛入機場，如果唔係睇佢俾大前研一6,000個fan屎圍，必定係賞心樂事。不過佢話一孩政策最大禍害，係當日本人自己開始自動生一個時，一孩係冇衝勁。公司話要派呢人去東歐、南美等做開荒牛，佢就會一百幾廿個理由話唔去。唔似以前幾兄弟姊妹時，細要出去博。

大前研一「M型社會」論，係話日本中產愈來愈少，一係有錢，一係低下階層。而特區亦有好多人話M型社會呢度出現，所以要政府做。

本地有人話，M型社會即貧富懸殊，最近就「成功爭取」最低工資。至於演講完畢時，主辦單位俾我傳媒20分鐘發問，咁我亦把握機會問，特區應否有最低工資？大前研一好簡單話：「唔應該！」佢話好多人香港呢有自由地方，特別係後生仔女，想要一份今日人工低，但換來未來高人工工作，倘有最低工資，佢就冇機會博，令需要工作經驗學低下階層，永遠冇得爬上去，令社會更M型。所以唔該某些人唔好再騎劫「M型社會」論，因大前研一都反對香港有最低工資！

作者為前石油業證券分析員，視股市為終身學習場所，不斷交學費。

逢周一、三刊出

人命值錢有錢

孫柏文 (AM 730, 8.11.2010)

BEACON
噚日，孫柏文搵個街坊傾我住棟大廈時，聽到收音機話甘肅舟曲縣八八山泥傾瀉有幾嚴重。無辦法，當國家大、人口多時，一有天災就會後果嚴重，最緊要係救援行動快同有效率。

收音機新聞話，國家領導人噚日北京開會傾點救人，會後就話全力搶救居民性命財產。我位街坊朋友一聽到呢句說話，就即刻講：「依家內地真係文明好多，內地人命開始值錢。」其實，我係同意街坊說法。多唔好講，記得好幾年前華中暴雨成災，主要河流河堤岌岌可危。當時，電視畫面影住解放軍軍人，爬上河堤紮營，然後拉條紅底白字橫額，寫住「堤在人在！」我諗大家反應，同我應該都一樣，就係「咁堤不在呢？人又會點？」人命，就算已預會為國捐軀都好，都唔可以咁搞。我細個成日聽長輩講，佢話內地人命唔值錢，講到好似泥一般咁賤，不過，近年天災後政府反應，都起碼唔會再無端端擺軍人咁危險地方。

睇到呢度，大家可能會問：「人命開始值錢係個會持續大趨勢，咁有冇產品同服務係會愈來愈多需求？」呢個當然有。就係會減低死亡率產品，亦即安全產品。

咁如果你想投資落去呢個「人命會愈來愈值錢」概念，特區股市係有一間公司做呢門生意，呢間就係中國自動化(569)。呢間公司係做內地鐵路同石油、化工業安全系統等。

大家問自己，馬路有意外，就唔係新聞，不過，每次鐵路有意外就係大新聞。所以如果我係負責鐵路官員，一定會買多安全系統產品，仲要係購自中國自動化呢龍頭公司，因為一旦touch wood出事，都可以有人鑊。

至於石油、化工業安全系統需求，呢個英國石油(BP)漏油後，相信世界對呢方面需求會更加厲害。只要內地石油、化工廠做得比BP好，就算未能「趕美」，都先可「超英」。

仲有，如果你要預測中國自動化未來生意增幅，唔可以單單話「起多幾多鐵路就多幾多張單」。原因係，原有鐵路網，想將鐵路網回報增加，只要行多火車，同埋行得快就得。不過，當車多又快時，就要現有鐵路網增加安全系統投資。

點都好，重視生命呢個趨勢，絕對係國家一個好現象。

作者為前石油業證券分析員，視股市為終身學習場所，不斷交學費。
逢周一、三刊出

香港息口追美趕日

孫柏文 (AM 730, 8.9.2010)

BEACON
如無意外，今日各大報章財經或地產版頭條，又會係過周末有幾多地產物業成交，個價又破新高。其實由97年至今，孫柏文見過好多負資產個案，香港人買樓其實已經保守好多。但樓市不斷升時，當負資產變正資產，冇樓人開始焦急，以前打死都話自己唔買樓人，都忍唔住，唔買都要望。特區係有人會一次過俾晒錢買樓，但當借錢平，唔借就好似好傻咁。甚至有人叫你保守唔好借盡時，你客氣就鬧佢戇直，如果佢已經有樓，你分分鐘鬧佢「涼薄」，想結束你個置業夢。
多唔好講，上周四長江實業(001)及和記黃埔(013)公布業績，主席李嘉誠叫大家買樓最好首期五成。我身邊第一、二、三代(即1975年前出世)香港人，全部都冇乜點出聲，默默諗番九十年代尾、千禧年代初慘況。不過第四代香港人，好多既第一個反應係：「五成首期？你估我係李嘉誠呀？」咁呢班第四代香港人中，其實仲有一班人，就算有首期同還款能力，依家都唔肯買樓。原因係，佢相信利息係幾年後會飆升。不過幾日之後，可能連呢班人都忍唔住，衝入樓市。
息口，係貨幣政策決定。貨幣政策中，每個政府要價格穩定、息率、匯率，三個政策目標中揀一個，貪心想控制多過一個就會失控。大家都知香港貨幣政策就係揀匯率穩定，亦呢個範疇上非常成功，因冇人信俾7.8港元換唔到一美元。但就等於我用息率係花旗國個，要全面硬食帶來資產價格變動。本周控制花旗國貨幣政策美國聯儲局議息，我相信會議將會令之前講過唔買樓等息升完先算人，都投降。
點解？因未有金融海嘯前，聯儲局只係印5,000億美元(約3.9萬億港元)去供應俾銀行體系用。不過到海嘯，特別係雷曼兄弟倒閉後，聯儲局就急急腳咁印多2萬億美元(約15.6萬億港元)。先借俾外國央行等佢可以救自己銀行。當市況看似穩定後，發覺銀行又唔放貸，就借錢俾銀行。但到銀行有資金都唔肯放貸時，聯儲局就去年初自己買債券，變相直接放貸，結果令全球資產價格大幅飛升。
聯儲局最主要係借俾兩類單位，第一係花旗國政府，第二係美國買樓人，令美債同按揭息率現時都係歷史低位。不過聯儲局亦知，倘唔收番2萬億美元，美元本身可因通脹而滅亡。所以今年至今，當佢債券每月收到人還錢，就唔再將該筆款項放出。呢個情況，市場相信將會聯儲局會議上有改變，即係再推錢入銀行體系中。市場解讀，將會係覺得連聯儲局都話有機會出現日本對上20年通縮。作為一個香港樓買家，一睇日本呢十年息口都1厘以下，如果美國步日本後塵，就會諗係咪香港都會咁，如果香港未來十年息口都係1厘，仲唔個個借盡錢買樓？
作者為前石油業證券分析員，視股市為終身學習場所，不斷交學費。
逢周一、三刊出

西隧加價的迷思

(AM 730, 8.2.2010)

BEACON
呢個周末，有讀者George Wong我Facebook留言，問孫柏文點睇西隧加價呢單。唔好話George個留言，淨係睇各大網上討論區，已有人講話去示威，又有人引述議員話加價呢個舉動「無良」。
咁我問番George自己點睇，有冇好橋？佢就列出現有上選擇，不過，最正係政策選擇隔離列埋人會點鬧。
例如，如果回購，就有人會講：「如果我唔過海，點解要用我錢買番幫其他人？」呢個其實唔係問題，因為我香港人個個都似X記兩兄弟，之前搵落咁多，依家只係想分家產。香港人一向視納稅人血汗錢為陰司紙，政府回購個個舉腳贊成，直至到有個位，人就會180度轉為反對，之前支持人就會快閃失蹤。
咩位？咪定價囉！你政府要買，咁人做生意都係想善價而沽。不過，香港反射式政客一定會話：「無良財團唔會冇數都賣！賣得等於有數，即係政府利益轉移俾佢！無良！無良！」因為政府諗唔到一個市民會接受價，回購唔會發生。
咁舊隧加價？George話會有人講：「漠視社會訴求。」唔知有幾多人因為要俾50元，而唔係45元，唔用西隧用舊隧？我係西隧「fan屎」日日用，自己唯一擔心係如果真係舊隧塞，由深水去天后、北角等會好煩。同埋要97後政府帶頭加價？冇功能組別，特首係民選先得。
George亦提議檢討建造、營運及轉移模式去起基建。呢個就恭喜！因為政府已經完全放棄私人公司建造、營運跟住到專利權完畢時轉移俾政府做法。
點解政府要放棄？因為睇西隧就知，蝕到飛起。原本根據合約(律師、大律師議員即問：「合約？What's that？」)西隧係可以收私家車過百蚊，依家收50蚊都俾你鬧到殺父仇人咁，仲有邊個肯幫政府起呢？
仲有，以前起基建係有需求，有好多人要用，不過冇資金。不過，依家起路唔係俾人行，係為維持應該快轉行人，繼續有建築工做。起鐵路唔係因為冇車返內地，而係要同「內地接軌」。
最正係當鐵路起好後，冇人用，政府就會迫人用。點迫？高鐵一開，大家可以同直通巴士說聲再見。如果到時直通巴冇俾政府cut，我先行自宮。
不過，我係好期望開口埋口都「鐵路優先」鄭家富議員，有日要管交通。到時天下大亂，我又可以話，我支大明燈一早照出我未來。
作者為前石油業證券分析員，視股市為終身學習場所，不斷交學費。
逢周一、三刊出

壓力測試和豬流感針

(AM 730, 7.23.2010)

歐洲銀行壓力測試上周五放榜。91間包括豐控股(005)銀行中，有7間根據測試條款肥佬。結果公布後，我即刻睇邊間銀行出事，結論係同之前預測一樣，最「肥佬」不達標就係個壓力測試本身。大家可能話：「咁多間被評不達標，就反映個測試本身都有水準。倘完全流，pass都得啦！」呢個就係歐洲各政府希望你有感覺。 我唔講個測試有幾冇用，最差假設係唔包括任何歐洲政府會走數，即係希臘、西班牙等財赤叫大家玩「你睇我唔到」。最差又話股市最多由現水平跌兩成，有冇搞錯？你話假設跌兩成已經好苛刻？由現時跌兩成，都仲係高過金融海嘯低位33%。話明係最差假設，連之前低位都唔敢諗，呢個係咩測試？ 7間根據測試條款而肥佬銀行，有已被國有化，有亦有被救方案。即係叫一間中學學生考試去評核該校教學水平時，肥出來學生唔係已經絕學，就係入展翅、毅進，冇諗過想繼續升學。想升學就全部合格。 你做壓力測試，都係想人信你銀行冇事。問題係放榜後，大家會唔會因銀行「合格」，就擺錢入呢銀行？睇歐洲銀行之間同業拆息，一路創新高，仲要冇人互借，就知測試係用來呃兩種人。一，係烏烏小存戶，二，輸都係輸其他人錢投資者，如被迫儲錢俾佢各國強迫金基金。 當官員之意不在測試，而係做show，市民就會開始完全唔信政府，大爆不可預見後果。大家可能話：「歐洲政府質素差，孫柏文使乜咁勞氣？」其實我唔高興係因為我特區都係咁。 去年環境局長邱騰華推膠袋稅，原意想大家用少膠。一年後，邱局長大鑼大鼓話好成功，因大超市膠袋用量大跌。當大家真係坐低，不論當初支持或反對，淨係想知政策work唔work，當然要睇埋其他數據。如代替超市膠袋垃圾袋銷量有冇升？有冇令總膠量用升？又或醫院有冇見到膠袋稅推行後，因人用織布袋，多細菌感染？手足口病近一年見十年新高，係咪有關？用來醫治資源，會唔會多過慳膠袋？ 當邱局長唔講其他，淨係叫大家睇佢精心挑選數據，為保佢做到形象，你仲信唔信政府？未來最低工資落實後，如果真係害好多後生仔女冇第一份經驗工，局長係咪又會為保官運、議員為騙選票，唔理受害者，就算講大話都要話最低工資「大成功」？當你俾人感覺係唔理真相都要死撐時，人係會俾你害死。多唔好講，今時今日，有官員大大聲同大肚婆話打豬流感針冇事，而你大肚老婆唔想打，你會唔會怪佢？咁如果冇打，你老婆又中招，最後出事，怪就怪呢種沒有誠信的官。至於如李卓人或工聯會話齋，歐洲先進國家有，我香港點可以冇？ 作者為前石油業證券分析員，視股市為終身學習場所，不斷交學費。 逢周一、三刊出

妙談壓力測試

(Apple Daily, 19.7.2010)

「壓力測試」，來自雞腸文stress test，相信大家呢排都聽唔少呢個名詞。原因係歐洲銀行，依家做緊壓力測試，今個禮拜五放榜。

銀行壓力測試同普通測試分別邊？就係壓力測試中會拋未來可能發生事出來，之後睇究竟會對被測試單位有咩影響。例如，若西班牙樓市續大跌，出現人唔還按揭，咁究竟銀行資本頂唔頂得順？若結果欠佳，就要先練好氣，因要周圍走，周街撲水。

不過講真，你估銀行真係唔知自己會點咩？相信一早就知自己放榜後要唔要周圍撲。若係咁，相信大家會話：「佢知放榜後要周圍撲話，就應該依家練定氣先，到時撲都撲得比人快！」理應係，但依家已操練話，就實俾人話你：「啊！你即係肥硬啦！」所以就算壓力測試已「心照」會衰，都係等放榜先，所有父母官要你預先準備、操練，唔係用來準備，係用來顯示對放榜成績信心。你愈冇心做準備，就愈係信心表現，費事影響半年期業績及花紅，開心先！

原來除歐洲外，周末我特區都來次壓力測試。但唔係銀行，而係有50位應屆會考生同佢家長，參加模擬放榜活動。孫柏文一睇單新聞就諗，點模擬呢？主辦機構向各人派發模擬成績單，咁係咪派張30分成績單，就模擬自己將消息放上blog或facebook後，練定把懶謙虛聲接聽姨媽、姑姐電話？

又或收到張十幾分模擬成績單後，練定點樣全港十八區一日遊？如果練氣、練跑練得太落力，會否引來一齊玩模擬放榜家長問點解你咁投入？所以我建議所有想有日做歐洲銀行員工應屆會考生，都係同銀行家一樣，你愈冇心做準備，就愈係信心表現，費事影響剩餘暑假時間及零用錢，開心先！

講起銀行同後生仔女，就唔可以唔講呢排國際金融圈中，最多人想解謎。銀行同後生仔女有好多共通點，第一，例如好多時都好短視，一個就因放債後頭一年冇事，出到靚業績，就可即袋花紅，唔理之後有冇壞帳。另一個就年輕，未夠成熟諗長遠。第二，就係佢都受群體壓力，互相影響。好當然唔驚，但當衰發生，就要快速截停惡習傳播。例如(外國)，若有學生自殺，傳媒會盡量低調報道，因唔知會唔會有樣學樣。跟住就家長、社工睇實班小朋友，一見擒窗、買炭，即刻阻止。

咁呢排最多人想解金融謎係乜？就係內地銀行究竟透過財技產品，底放多幾多債。聽評級機構惠譽話，佢愈查，銀行愈唔講。債可以底原因，係理論上當存戶買產品，錢係唔經銀行手，而會直接俾要資金單位、公司。以前外國銀行都做唔少。但原來出事，銀行要上身幫走數單位還，一旦資不抵債，銀行倒閉，就變成金融海嘯。原來金融海嘯前，內地銀行好少賣呢財技產品，但可能傳媒大肆渲染，內地銀行依家有樣學樣。作為一個經常寫海嘯事件傳媒工作者，我對唔住呀！希望父母官睇實呀！內地銀行自殺呀！

作者為前石油業證券分析員，視股市為終身學習場所，不斷交學費。

分析制定最低工資基準

嘉賓：孫柏文
主題：香港經濟
內容：最低工資

http://cablenews.i-cable.com/webapps/program_video/index.php?video_id=82443

邊緣勞工最黑暗的一天

孫柏文, am730 (投資, M34 2010.07.14)

BEACON

今日，立法會將會繼續審議最低工資呢條法例，如無意外，呢條法例將會通過，而通過之日亦係香港勞工市場最邊緣的工人，面對最黑暗一日。

成個最低工資討論，來來去去都係勞資關係，又係個講到已冇人信或服「營商環境」理由。

就算係冇心批評最低工資好與壞，一間上市公司主席純粹要向佢老闆即係股東交代，如果落實有最低工資，公司可能要發出盈利警告，都俾人屈佢玩恐嚇。

呢間就係大家樂(341)，佢主席陳裕光早前話，如果最低工資訂每小時33蚊，大家樂就會發盈利預警。一講，立即激發長毛示威、抗議，話陳裕光玩剝削。

孫柏文今日可以同大家講，我係唔會為大家樂擔心。

最低工資呢樣，當年新西蘭人發明原因，係為保護工人有工做。不過，唔係包括所有工人，只係男性工人。因當年新西蘭女權抬頭，大量女性工人湧入勞動市場，所以，為排擠女性，訂下最低工資。

當僱主一定要俾最低工資時候，佢只會請能夠值得該工資水平員工，亦因當年係勞力主導農業經濟，所以，女性惟有乖乖，返屋企，煮飯湊仔。

我見到七一遊行時，有團體懶有創意咁樣，著好多個有最低工資國家球衣。不過，佢知唔知，例如德國、瑞士等，係金融海嘯之中冇咁傷國家，佢係冇最低工資呢樣。

呢國家政客，唔同希臘或者特區抽水議員，佢明白一個好簡單道理，就係有學工，人工會好低。
我絕對會相信，有最低工資的落實後，人工係會上升。俾個例子大家參考下，例如，我有個朋友係髮型師，佢會請後生仔返來做學徒。歷年來訓練唔少新髮型師。

不過，呢學徒，學時人工其實好可恥，但除負責掃地、洗頭外，就真係學到剪頭髮。我個朋友話，一旦有最低工資後，呢學徒人工將會倍升。

不過，佢會全程掃地、洗頭，做足佢薪金要交貨。學？邊個仲教佢呢？

未來想做髮型師？去工聯會搞政府資助再培訓課程啦！唔怪得只有工聯會咁想呢條法例通過。

講真，有好多人批評話，有便利店員工的人工好低。不過大家有冇發覺，呢類型工有好多新移民女性做？你鬧工資低，而我見到係，一群又一群新移民，可以有第一份工，成功上車。

邊緣工人受害，將會締造好多政府資助。工會們，唔好再扮到為工人。你只不過係一班為自己利益，心地唔好機會主義者，正好遇到一個要800張選票特首。

你今日「勝利」，係建基於無數人不幸。

作者為前石油業證券分析員，視股市為終身學習場所，不斷交學費。

http://www.am730.com.hk/news_query.asp

動畫演變可增說故事能力

嘉賓：孫柏文、李兆富
主題：企業管治
內容：勇於嘗試

http://cablenews.i-cable.com/webapps/program_video/index.php?video_id=79415

世紀撻訂等於買家造假?

嘉賓：孫柏文
主題：香港經濟
內容：恆基天匯的世紀撻訂，引來全城關注，連議員也要求恆基派人上立法會解話。究竟當中是否欺騙？是否虛假交易？若果是真買家真撻訂，那又有甚麼問題呢？本集嘉賓孫柏文與一眾主持，分析「撻訂是否等如買家造假」這議題。
http://cablenews.i-cable.com/webapps/program_video/index.php?video_id=81851

中國經濟形勢兩難

嘉賓：李永權、孫柏文
主題：中國經濟
內容：國家總理溫家寶於考察地方時說，現時經濟境況，復甦曲折性超出預期，宏調兩難問題亦正增加。嘉賓李永權指，國家領導人的說話，要自己揣摩其意義，於是各人對「兩難」有不同的見解，孫柏文則指兩難其一是滯脹。李永權其後補充，他覺得目前最重要的經濟結構出面兩難，中國是世界工廠，但外國經濟卻不斷萎縮，究竟中國應否由外銷變為內銷呢？
http://cablenews.i-cable.com/webapps/program_video/index.php?video_id=81771

民主黨出賣選民嗎?

嘉賓：王永平、孫柏文
主題：社會現象
內容：政改獲立法會通過後，民主黨成為被狙擊對象，因為市民不滿他們說變便變的態度，民主黨有何方法處理這些危機？嘉賓王永平表示，民主黨是贏家還是輸家，目前難作判決，的確有很多市民圍攻他們，但有可能嬴取務實派選票，另外中央、特首亦讚賞他們。他又說，民主黨這次妥協，為政改方案擴大了民主基礎，但對將來普選絲毫沒有幫助。

http://cablenews.i-cable.com/webapps/program_video/index.php?video_id=81674

足協暫未引進科技以避誤判

嘉賓：孫柏文
主題：社會現象
內容：對於球證於世界盃犯下嚴重錯判，國際足協初時態度強硬，表示「誤判」可能令雙方受害或受益，這是「公平」的。嘉賓孫柏文表示，他可以接受球證誤判是比賽的一部份，但國際足協禁止場內重播畫面，就似乎有點過份。幸好數日後國際足協一改口風，表示引入科技以避誤判，可以考慮，但未知何時執行。 嘉賓：孫柏文
http://cablenews.i-cable.com/webapps/program_video/index.php?video_id=81281

探討美國金融改革法案

嘉賓：孫柏文、黃元山
主題：國際金融
內容：美國金融改革法案似乎「雷聲大、雨點少」，比想像中溫和，是否有成效？嘉賓孫柏文認為這方案未解決「Too Big To Fail」問題，另一嘉賓黃元認為，法案改變了收購文化，特別在衍生工具的交易，也認為沒有改變「Too Big To Fail」情況。
http://cablenews.i-cable.com/webapps/program_video/index.php?video_id=81091

政府推競爭法惹爭議

嘉賓：孫柏文、李兆富
主題：社會現象
內容：：「競爭條件草案」將交由立法院表決，社會目前爭拗點是哪些機構可以豁免，例如公營機構或對經濟有利益的機構。其實今次已經是政府第三次試推「競爭法」，這次政府使用高明招數－並沒有指明哪些行為違反競爭，而是倡議成立委員會，是否違法由它們決定，希望減少社會爭議。
http://cablenews.i-cable.com/webapps/program_video/index.php?video_id=81194

分析政改前後

嘉賓：孫柏文、李兆富
主題：社會現象
內容：6月23日起，立法會審議2012年政改方案，但之前數日，形勢急轉，不單止市民迷惘，連議員也大感意外，究竟政改審議前後，會出現甚麼現象？今集請來孫柏文及李兆富，與主持一起分析。
http://cablenews.i-cable.com/webapps/program_video/index.php?video_id=80647

探討未來人民幣匯率機制

嘉賓：李永權、孫柏文
主題：中國經濟
內容：市場對人行再啟動匯改反應正面，但嘉賓李永權指出，人行已清楚表明，匯率是由中國決定，並且是可控制的，是要循序漸進。雖然匯率可升可跌，但由於外界多數認為人民幣被低估，所以人行這次舉動，外界普遍認為人民幣將會升值。
http://cablenews.i-cable.com/webapps/program_video/index.php?video_id=80541

聯儲局聲明或礙市場預期

嘉賓：孫柏文、羅家聰
主題：國際金融
內容：美國又到議息之期，大家期待會後聲明有何啟示。嘉賓羅家聰指出，現時會後聲明已是溝通工具，用來影響市場預期。至於失業率、通脹等數據，亦會影響市場如何解讀會後聲明。
http://cablenews.i-cable.com/webapps/program_video/index.php?video_id=80452