利世民, 蘋果日報 (財經要聞, B15 2010. 06. 02)
雖然保安局對泰國仍維持黑色旅遊警示，不過在private bank打工的朋友已準備到曼谷。
世民：「恭喜喎，有危先有機嘛！去開Central World，記得影相放上facebook。最威一定係你。」朋友：「你估我好想去咩？好彩保險公司仲未肯包，公司o依家都唔敢叫我哋出發住。不過，曼谷嗰邊嘅同事日日打嚟，話除咗無遊客外，曼谷一切已回復正常，要我哋快啲過去傾。佢哋一定要香港office派人過去照顧班大客，搞到我哋鬼死咁難做。」
大客揀香港泊低啲錢
世民：「又係喎，點解唔叫新加坡office派人呢？」朋友：「見識過今次紅衫軍暴亂，班大客想資產offshore。o依家個個都睇住大陸市場，好自然會揀香港去泊低啲錢。畢竟，我哋有CEPA嘛。不過，佢哋又唔會將全副身家搬入大陸。始終香港進可攻，退可守。唔好唔記得，香港不單止無外滙管制，港紙仲同美金掛鈎。平時都唔覺香港有幾好，但當其他地方一出事，就知香港有幾好。」
泰國究竟有多少富豪？Red Bull的創辦人，泰國飲品大王許書標（Chaleo Yoovidhya）家財，估計有40億美元。根據《福布斯》估計，頭40名最富有泰國富豪，加起來身家約250億美元。這些泰國富豪當中不少實業家出身，特別是食品加工業。從宏觀角度看，中國既是生產基地，也是新興消費市場，藉此機會將重心調整一下，也不無道理。
深層次一點看，這個小故事又一次說明，其實政府只要拆牆鬆綁，搞好法治，香港的優勢便自然跑出來。反而政府搞甚麼招商推廣，實在是多餘兼老土。
Private sector真的拼了命去博機會，當官的要是沒有這種心態，還是專心做自己應做的事好了。
利世民
http://hkliberty.wordpress.com
No comments:
Post a Comment