利字當頭：居屋邊夠天堂好？

利世民, 蘋果日報 (財經要聞, B15 2010. 07. 12)

「居屋都要百幾二百萬！」可能是八十後的讀者，在世民的部落格留言。

居屋價多少錢，世民當然知道。事實上，更好一點的居屋，在港島北岸，800呎左右的，作價近400萬呢。百多二百萬，難道都嫌貴嗎？還是他們覺得，免費更好？

「你唔好屈八十後！我冇話過唔畀錢，不過，依家實在太貴。你知唔知我蓄一世錢，都唔夠畀首期啊！」

搵工恐防也要父母代勞

600呎賣60萬，位處市中心，接連地鐵，好不好？問題是，這種超筍盤，排隊的人龍，由尖沙嘴到沙頭角來回幾轉了，你們會不會怕天時暑熱？還是要你們的爸媽代你們排隊呢？

By the way，上星期，在中環，世民在街上聽到了一段對話。一位嬸嬸和一位年輕人，估計兩人是同事。

年輕人：「你囝囝明年畢業，你會唔會介紹佢公司做？我覺得咁好公司，外面好難搵。」

嬸嬸臉上似有點似笑非笑：「等佢自己搵先啦，唔使咁急。」

年輕人：「外面公司，工作又辛苦。做錯又要俾人鬧。」

嬸嬸的笑容不見了，冷冷說：「等佢俾人鬧仲好啦。」

年輕人：「唔得架，俾人鬧得多，第日佢冇晒自信心，點算啊？」

聽完這二人的對話，我想：是否復建居屋，已經不重要。如果這一代的共識，認為找一份工作都要父母代勞，俾人鬧怕會打擊自信，要他們供樓，太現實了。他們要的，是天堂，是烏托邦。

利世民

http://hkliberty.wordpress.com